Mossur Carnaval, princi dera hartèra

Gras, exuberant, amusaire, Mossur Carnaval qu’ei eth arrei d’aquera hèsta ath denvèrs. Deth temps deth sué arrègne efemère, farças, arridèras, pintassèras, glapautèrs que son d’arrigor. N’escaparà pas totun ath sué jutjament e que s’aurà a morir. Mes que tornarà eth an de qui vié entà croishir tots eths tabós !

Vrente sus patas

A còps simple monaca de palha, eth arrei carnaval en Bigòrra qu’ei generaument incarnat per un abitant. Eth sué vrente enòrme que hè véger eras foncions corporaus vitaus ligadas ar’ingestion, ara digestion e ar’arreproduccion tanben. Brut, grossièr, obscèn, que quilha grandosament aqueth còs opulent, en.hlat peths excès, e que’ns arrebremba sense destorn que nosauts tanben, qu’èm un còs.

En hèras tradicions, er’eleccion de ua ierarquia borlesca (eth arrei dera hèsta, Mossur Carnaval e era sua seguida), que constitueish era permèra estapa deth temps de carnaval. En Biarn, que tronan, aths costats de sent Pançard — eth sent pançut, mencionat despuish eth sègle XIIIau ath mes pòc —, «sents» coma sent Agalop, eth corredor, sent Belitro, eth feniant, sent Crebassi, eth glapaut, o encòra sent Pegulhàs, eth pegòt.

Esquivat, arrei navèth de Bigòrra

Mossur Carnaval que pòrta detzenats de noms diferents capvath eth monde — Pétassou, Marquitos, Miel Otxin ath País Basco, Caramentran en Provença, Cornelio Zorilla, Peirote, Muyen en Aragon, Triboulet a Niça, era Poutratse ath Valés soís, King Momo a Rio de Janeiro, Dimars gras, Bonhomme ivèrn... — de qui pòden cambiar ath grat deras envejas deths abitants.

Qu’ei eth nom d’Esquivat, comte de Bigòrra ath sègle XIIIau, de qui estó causit coma arrei deth carnaval bigordan. Joviau, gaudidor, mauadret, glapaut, orgulhós, generós e profitaire, que fòrma dab Mascarossa un vertadèr cople de hestaires, prèst a tot entà arrepréner eth poder en Bigòrra !

Monsieur Carnaval, prince de l’excès

Gras, exubérant, boute-en-train, Monsieur Carnaval est le roi de cette fête à l’envers. Sous son règne éphémère, farces, rigolades, beuveries, goinfreries sont de rigueur. Il n’échappera pourtant pas à son jugement et devra mourir. Mais il reviendra l’année suivante pour briser tous les tabous !

Ventre sur pattes

Parfois simple mannequin de paille, le roi Carnaval est généralement incarné par un habitant en Bigorre. Son ventre énorme exhibe les fonctions corporelles vitales liées à l’ingestion, à la digestion, voire à la reproduction. Sale, grossier, obscène, il arbore fièrement ce corps opulent, gonflé par les excès, et nous rappelle sans détour que nous aussi, nous sommes un corps.

Dans de nombreuses traditions, l’élection d’une hiérarchie burlesque (le roi de la fête, Monsieur Carnaval, et sa suite), constitue la première étape du temps de carnaval. Dans le Béarn, trônent, aux côtés de sent Pançard — le saint pansu, mentionné en Europe depuis le XIIIe siècle au moins —, des «saints» comme sent Agalop, le coureur, sent Belitro, le fainéant, sent Crebassi, le goinfre, ou encore sent Pegulhàs, le nigaud.

Esquivat, nouveau roi de Bigorre

Monsieur Carnaval porte des dizaines de noms différents à travers le monde — Pétassou, Marquitos, Miel Otxin dans le Pays Basque, Caramentran en Provence, Cornelio Zorilla, Peirote, Muyen en Aragon, Triboulet à Nice, la Poutratse dans le Valais suisse, King Momo à Rio de Janeiro, Mardi gras, Bonhomme hiver... — qui peuvent changer au gré des envies des habitants

 C’est le nom d’Esquivat, comte de Bigorre au XIIIe siècle, qui a été choisi comme roi du carnaval bigourdan. Jovial, jouisseur, maladroit, goinfre, orgueilleux, généreux et profiteur, il forme avec Mascarosse un vrai couple de festaïres, prêts à tout pour reprendre le pouvoir sur la Bigorre !