En nom de Nostre Segnor Dieu Ihesu Crist. Conoguda causa sia a tots qui son ni seran que nos, en W. [2] Foert d-Oson, ab bóó sen e ab bone memorie, agradablemenz, a-bóó cosselh e ab bone boluntad, no decebud ni enga-[3]-nad ni constreit per nulhe persone, mais francamenz e agradable, de nostre proprie boluntad, e-per descargáá la anime de-na Cumdoo, [4] nostre mai, e-de la nostre meteise, dizem e autreiam que madaune na Cumdóór ab bon sen e ab bone memorie, agradablemenz, en [5] [sa] darrerie e ab autrei d-en Br., sóó filh, e-de na Marie, sa filhe, de e autreia per anime de si meteise e de son linadge [6] a ma daune Sancte Marie de la Escala Dieu e a-n frai Br., abad d-aqued medeis laug, e al sant cumbent, frais e familiás de [7] [l]a auant dite maiso presents e abiedés, lo casau deu Tóó d-Ordisáá e tots aquedz dreitadges que ere í aue ni auer [8] i deue en degune maneire, lo cau casau ere sue per cumplir sa boluntad. E nos, auant dit en W. Foert, autreiam e [9] cóófermam aqued dóóatiu, per nos meteis e per tot nostre linadge present e abieder ; lo cau dóótiu los auem autreiad asi cum [10] nostre mai na Comdor l-aue dad e confermad a la auant dite mason e als frais presents e abidérs, ab tots los dreitadges [11] e las causas mouenz e no mouens qui a profieit ni a seruici d-ome ni de femne poden estre per nulhe maneire, [12] e ab totes las apertinenties qui al auant dit casau aperten en nulhe guise, so es a saber homes e femnes e totes las terres coutes e [13] no coutes, per mei e per estrems, ab lors estremitaz e afrontatios, ab toz lors entramenz els eiximenz, deu ceu tro la terre, de terre tro a [14] bissme, los terradges els agrés, lo séés e trastoz autres serueis, los pradz els pastencs e toz los fruitz de cal quemaneire sien, [15] [l]os arbes fruit fazentz e no fazentz, los secs eus berdz, las aigues eus molís eus laugs dels molias, los boscadges e las bartes e [16] [t]oz los autres dreitadges que nos i auem ni auer i-deuem, so que nos no auem ni no crezem auer, de cal que maneire sien en toz los sober diz [17] []áás totz entierademenz, ses de nulhe retenence de nos ni dels nostres. En despolham nos meteis els nostres de totes las auant [18] [di]tes causes on nos no erem bestiz si no a tort, de pos nostre mai na Comdor las ago dades als auant ditz frais en auem bestiz [19] los auant ditz frais els n-auem mes en durable e em bertadere possession per toz temps e quels ag auem liurade ab fust e ab terre asi [20] cum nostre mai na Comdor los ag de els ag conferma. E quels n-autreiam aqueste present carte feite entre los bíus de escriuan jurad en [21] durabletad baledere. E nos, auant dit en W. Fuert, que autreiam e asolbem per nos e pels nostres, pels nadz e pels a neixer, la sober [22] dite donatio asi cum auant dite es, ab totes las apertinenties e ab totes las causes mouentz e no mouentz e ab toz los dreitad-[23]-ges cum mentauguz son e aquez qui no ag son a la auant dite mason e als habitadors d-aqued laug, que mais per nos ni pels nostres [24] domandaz nols sien nulh temps. E-nos, auant dit en W. Fuert, quenon autreiam per freme per nos e pels nostres a-bone fe e ses tot engan [25] a-toz los frais de la auant dite mason presentz e abieders que la sober dite donatio, asi cum nostre mai na Comdor los ag de a espau-[26]-ne de mort, franque e quitie e-ses tot contrast, los ag faram bone de toz homes qui arren i bolosen dizer a fuer e a costume de la terre. [27] E nos, en W. Fuert, que autreiam per nos meteis e per tot nostre linadge aquestes auant dites palaures que asi las tieram cumauant [28] [di]tes son e que non seram contre la forme d-aqueste carte, anz la tieram asi cum mels pod estre entendude ses tot dam dels auan[t] [29] [di]tz frais e de la auant dite mason, renuntiant a tot dreit e a-tote pleidesie qui a-nos podos aiudar temporau ni esperitau [30] ni a-la auant dite maison ni als frais nozer en l-entendement d-aqueste carte. El auant dit casau que deu far V sl. de bos morl. de [31] séés totes Martros. Testes son frai Br. del Coính, prior de la Escale Dieu, en frai Gregori e frai R. de Biele Embiz e R. [32] de Darrer e R. Molherad d-Esfiele. E io, G. A. de Faregles, notari iurad de Banheres, qui ab autrei de ames las partides [33] aqueste carte escriscui ei pausei monsigne, . XIX . kl . januarii . Actumanno Domini . millesimo . CC°. sexagesimo. [34] Esquivato de Chabanesio comite dominante e-[seing manuel]-t episcopatu vacante.
